A crise climática esixe a transición enerxética, pero non está a funcionar. O modelo actual mantén á cidadanía e ás comunidades locais como consumidores pasivos mentres os territorios rurais soportan o impacto das instalacións e os beneficios económicos foxen para as grandes corporacións.

Nós somos Enerxía Comunitaria, S.L, unha spin-off da Universidade de Vigo que nace para darlle a volta a esta situación. Somos unha empresa colaborativa, aberta, participativa e de estrutura democrática, creada  para poñer a enerxía en mans da cidadanía.

O noso proxecto pioneiro é poñer en marcha un parque eólico comunitario de 5 MW, capaz de producir enerxía limpa para máis de 3.000 fogares. Non só poderás obter un rendemento económico pola túa participación no capital social, senón que,sobre todo, estarás promovendo unha inciativa que procura o desenvolvemento local e apostando por unha sociedade máis sostible e participativa.