As renovables son actualmente a fonte de enerxía eléctrica máis sostible medioambiental e economicamente. Ademais, son facilmente escalables, permitindo desenvolver proxectos rendibles e integrados no territorio, cun dimensionamento axeitado a cada comunidade.

O Plan Nacional Integrado de Energía y Clima (PNIEC), do goberno de España, actualizado a 2023-2030, establece un obxectivo de 62GW de potencia eólica instalada en España no 2030. Actualmente sitúase en 32GW.  A Axenda Enerxética de Galicia 2030, da Xunta de Galicia, establece como un obxectivo de potencia eólica instalada de 7.700 MW para ese ano.  O reto é dunha magnitude considerable.

Galicia conta cunha gran dispoñibilidade de recurso eólico. A potencia instalada sitúase por debaixo dos 4 GW. Nos últimos anos, esta tecnoloxía espertou un rexeitamento social importante por asociarse con espolio e especulación.

A proposta de Enerxía Comunitaria S.L. é sumarse á transición ecolóxica para poñer o noso grao de area na descarbonización da economía e aproveitar un recurso noso, abundante e renovable, como é o vento, para xerar enerxía que fique nas mans da cidadanía. Queremos mostrar que un modelo democrático, ambientalmente respectuoso e economicamente viable é posible. A partir da nosa experiencia, e douras boas prácticas arredor de Europa, os gobernos español e galego deberían modificar o marco normativo para impulsar unha transición enerxética inclusiva e xusta.